सुपर लघुवित्त ठगी प्रकरण : पूर्व सीईओको जग्गा रोक्का

काठमाडों, २३ पुस । दाङमा केन्द्रीय कार्यालय रहेको सुपर लुघुवित्त वित्तीय संस्थाको अर्को बदमासी सार्वजनक भएको छ । नक्कली ऋणी खडा गरेर आर्थिक हिनामिना गरेपछि नेपाल राष्ट्र बैंकले लघुवित्तलाई समस्याग्रस्त घोषणा गरिसकेको छ । लघुवित्तका अध्यक्ष र उनको बुबाको दबाबमा यस्तो कार्य भए पनि समस्यामा भने कर्मचारी परेका छन् ।

यसैक्रममा पछिल्लो पटक लाघुवित्तका पूर्व प्रमुख कार्यकारी अधिकृत (सीईओ) को जग्गा नै बैंकले रोक्का गरिदिएको छ । त्यो पनि राजीनामा दिएको ७ महिनापछि । पूर्व सीईओ मनोज कुमार रायको सिराहमा रहेको जग्गा प्रभु बैंकले रोक्का गरेको हो । संस्थाको नियम अनुसार आफूले संस्थाबाट राजीनामा दिएर बरबुझारथ समेत गरिसके पछि बैंकले जग्गा रोक्का गरेको रायले बताए । उनले आफूले राजीनामा दिएको ७ महिनापछि प्रभु बैंकले जग्गा रोक्का गरेको जानकारी पाएको जानकारी बताए । जग्गा रोक्का गर्ने सम्बन्धमा आफूलाई कुनै पनि जानकारी नभएको र एक्कासी मालपोतमा जाँदा जग्गा रोक्का भएको थाहा पाएको उनले सुनाए ।

रायले सीईओको जिम्मेवारीबाट २०७८ साल जेठ २० गते राजीनामा दिएर बरबुझारथ गरेका थिए । रायले आफू सीईओका रुपमा कार्यरत रहेको समयमा नियमित रुपमा ऋणको ब्याज र किस्ता तिर्दै आएको पनि बताए । तर राजीनामा दिएको पनि लामो समयसपछि जग्गा रोक्का भएका कारण आफूलाई आर्थिक र मानिसक रुपमा तनाव थपिएको उनको भनाइ छ ।

‘म २०७८ सालको जेठ महिनामा राजीनामा दिएर कामु सीईओलाई बरबुझारथ गरेर बिदा भएको हुँ । तर पुस महिनामा मेरो जग्गा रोक्का भएको जानकारी भयो । कसले गरेको रहेछ भनेर बुझ्दा प्रभु बैंकले गरेको जानकारी पाएँ,’ उनले भने । सुपर लघुवित्तमा समस्या आउनुको कारण फिङ्गोदेखि कै समस्या सुपरमा पनि सरेको पूर्व सीईओ रायको भनाइ छ ।

जिम्मेवारीबाट बिदा इसकेको अवस्थामा पनि कर्मचारीलाई दुःख दिने नियतका साथ यस्तो गरिएको छ । यो लघुवित्तमा प्रभु बैंकको २५ करोड रुपैयाँ ऋण लगानी रहेको छ । सुपर लघुवित्तले बनेपछि गैर सरकारी संस्था फिङ्गोलाई समेत मर्ज गरेको थियो । जसमा फिङ्गोका तर्फबाट अध्यक्ष ज्योति प्रकाश चौधरी र सुपर लघुवित्तका तर्फबाट अध्यक्ष किरण चौधरीले हस्ताक्षर गरेका थिए । उनीहरु बाबु छोरा हुन् । सम्झौता अनुसार फिङ्गोको आर्थिक भार पनि सुपर लघुवित्तमा थपिएको थियो । फिङ्गोमा भएको आर्थिक हिनामिना सुपरमा पनि सरेकाले संस्था समस्यामा परेको हो ।

२०७६ सालको पुस २९ गतेदेखि कारोबार सुरु गरेको लघुवित्तलाई नेपाल राष्ट्र बैंकले २०७९ साल भदौ २२ गते समस्या ग्रस्त घोषणा गरिसकेको छ । कारोबार सुरु गरेको ३ वर्षको अवधिमा नै यो संस्था समस्या ग्रस्त घोषणा भएको हो । यस संस्थामा प्रभु बैंक, शाइन रेसुंगा डेभलपमेन्ट बैंक, सांग्रिला डेभलपमेन्ट बैंक, आरएसडीसी लघुवित्त लगायतले ऋण लगानी गरेका छन् ।

Follow Up