GBIME

महालक्ष्मी विकास बैंकको नाफा ७६।९७ प्रतिशतले बढ्यो

1.86K
shares

काठमाडौं । महालक्ष्मी विकास बैंकको चालु आर्थिक वर्षको तेस्रो त्रैमासिकसम्ममा नाफा ७६।९७ प्रतिशतले बढेको छ ।
वित्तीय विवरण अनुसार चैत मसान्तसम्ममा बैंकले ७१ करोड ४२ लाख ८५ हजार रुपैयाँ नाफा गरेको छ । बैंकले गत वर्षको सोही अवधिमा ४० करोड ३६ लाख ५ हजार रुपैयाँ मात्रै नाफा गरेको थियो ।

त्यस्तै, बैंकले तेस्रो त्रैमासिकमा मात्रै २५ करोड ७९ लाख ९२ हजार नाफा कमाएको छ । गत वर्षको सोही अवधिमा बैंकले ५ करोड ६७ लाख ३३ हजार रुपैयाँ मात्रै नाफा कमाएको थियो । जुन गत आवको तेस्रो त्रैमासको तुलनामा चालु आवको सोही अवधिमा नाफा ३५४।७४ प्रतिशतले बढी नाफा हो ।
बैंकले तेस्रो त्रैमासिकसम्ममा ३८ अर्ब ८ करोड ६८ लाख रुपैयाँ कर्जा प्रवाह गरेको छ । गत वर्षको सोही अवधिका बैंकले ३० अर्ब १० करोड ६३ लाख रुपैयाँ कर्जा प्रवाह गरेको थियो ।
त्यस्तै, बैंकले तेस्रो त्रैमासिकसम्ममा ४१ अर्ब ७७ करोड ९५ लाख ९० हजार निक्षेप संकलन गरेको छ । गत वर्ष सोही अवधिमा बैंकले ३८ अर्ब ६० करोड ९२ लाख रुपैयाँ निक्षेप संकलन गरेको थियो ।
बैंकको चैत मसान्तसम्ममा पुँजी अनुपात कोष घटेको छ । समीक्षा अवधिमा पूँजी अनुपात कोष १२।४६ प्रतिशत छ भने गत वर्षको सोही अवधिमा १३।०३ प्रतिशत थियो ।
बैंकको खराब कर्जा पनि घटेको छ । गत वर्षको चैत मसान्तसम्म बैंकको खराब कर्जा ४।४४ प्रतिशत थियो भने यो वर्षको सोही अवधिमा २।८९ प्रतिशत रहेको छ ।
त्यसैगरी, बैंकको लागत बढेको छ । गत वर्ष ५।६१ प्रतिशत रहेको लागत यो वर्ष ८।२० प्रतिशत पुगेको छ ।
बैंकको सिडी रेसियो भने घटेको छ । चालु आवको तेस्रो त्रैमासिकसम्ममा कम्पनीको सिडी रेसियो ८९।९८ प्रतिशत कायम भएको छ । गत वर्षको सोही अवधिमा कम्पनीको सिडी रेसियो ९१।९८ प्रतिशत थियो ।

Premier Steel Banner