आइजीआई प्रुडेन्सियल इन्स्योरेन्स लिमिटेडको सिइओमा युगेशभक्त नियुक्त

काठमाडौं ९, जेठ । आइजीआई प्रुडेन्सियल इन्स्योरेन्स लिमिटेडको प्रमुख कार्यकारी अधिकृत पदमा युगेशभक्त बादे श्रेष्ठ नियुक्त भएका छन् ।

निजको नियुक्तिको लागि कम्पनीको संचालक समितिको मिति २०८०/०१/२७ गतेको बैठकले नियुक्ति सिफारिस गरी स्वीकृतिको लागि नेपाल बीमा प्राधिकरणमा पेश गरेकोमा कम्पनीको नियमनकारी निकाय नेपाल बीमा प्राधिकरणबाट मिति २०८०/०२/०५ को पत्र मार्फत स्वीकृति प्राप्त भई कम्पनीको मिति २०८०/०२/०९ गते बसेको संचालक समितिको बैठकमा युगेशभक्त बादे श्रेष्ठले कम्पनीका अध्यक्ष हेमराज ढकालबाट शपथ ग्रहण गरे । उक्त अवसरमा कम्पनीको संचालक समिति तथा व्यवस्थापनबाट श्री युगेशभक्त बादे श्रेष्ठलाई सफल कार्यकालको शुभकामना व्यक्त गरियोे ।