काठमाडौं, २ भदौ । भण्डारी सेवा समाज नेपाल रघुवङ्शी कौशिक गोत्रीय बन्धुहरुको ऐतिहाशिक प्रथम धादिङ सम्मेलन आज २०८१ भदौ १ गते शनिवार स्वयम्भू स्टार ब्याङ्कुक्ट काठमाडौमा सम्पन्न भएको समाजका केन्द्रीय उपाध्यक्ष समेत रहेका वागमती र मधेश प्रदेश इञ्चार्ज कुमार भण्डारीले बताए।

केन्द्रिय सदस्य डम्बर ब. भण्डारीको संयोजकत्वमा बाग्मती प्रदेश उपाध्यक्ष एवं धादिङ जिल्ला इन्चार्ज शिवराम भण्डारीको अध्यक्षतामा भएको जिल्ला सम्मेलनमा केन्द्रिय अध्यक्ष वीर ब भण्डारीको प्रमुख आतिथ्यमा सम्पन्न भएको थियो ।

कार्यक्रममा प्रमुख संरक्षक जीवन कुमार भण्डारी , बरिस्ठ उपाध्यक्ष राम कुमार भण्डारी , उपाध्यक्ष एवं माननीय पुर्व मन्त्री मसिना भण्डारी, उपाध्यक्ष एवं बाग्मती प्रदेश इन्चार्ज कुमार भण्डारी , सल्लाहकार क्षेत्र ब भण्डारी पदाधिकारिहरु सदस्यहरु बाग्मती प्रदेस पदाधिकारिहरु सदस्यहरु सल्लाहकारहरु लगायत लब्ध प्रतिष्ठित भण्डारी बन्धुहरु को उपस्थिति रहेको थियो।

सो सम्मेलनमा ७० बर्ष नाघेका जेष्ठ बुबाहरु सम्मान समेत गरिएको थियो । धादिङ जिल्लाको प्रायः सबै क्षेत्रबाट ३०० को सख्यामा बुबा आमा दाजुभाइ दिदिबहिनी भाउजू बुहारी लगायतको उपस्थिती रहेको थियो ।

सम्मेलनबाट बिनोद भण्डारीको अध्यक्षतामा १९ सदस्यीय कार्यसमिती र पुर्व उप मेयर मनराज भण्डारीको संयोजकत्वमा ९ सदस्यीय सल्लाहकार समिती सर्वसम्मत रुपमा चयन भएकोमा हार्दिक बधाइ तथा सफल कार्य कालको शुभकामना ब्यक्त गरेका छन् ।