काठमाडौं । कौशीक गोत्रीय भण्डारी समाजको धनुुषा सम्मेलन सम्पन्न भएको छ । समाजको सम्मेलन गत ८ गते बर्दिवासको कालापानी पार्कमा सम्पन्न भएको हो । मधेश प्रदेश अध्यक्ष विक्रम भण्डारीको अध्यक्षतामा र केन्द्रीय अध्यक्ष बीरबहादुर भण्डारीको प्रमुख आतिथ्यतामा भएको सम्मेलनले जगतबहादुर भण्डारीको अध्यक्षतामा ११ सदस्यीय जिल्ला समिति चयन गरेको छ ।

समितिको उपाध्यक्षमा तेजबहादुर भण्डारी र ज्वाला भण्डारी,सचिवमा रञ्जना भण्डारी, कोषाध्यक्षमा हर्कबहादुर भण्डारी र सहसचिवमा सम्झना भण्डारी चयन भएका छन् । सदस्यहरुमा भने मोहनबहादुर भण्डारी, सिद्धबहादुर भण्डारी, कैलाश भण्डारी, ध्रुुब भण्डारी र योगेन्द्र भण्डारी सर्वसम्मत चयन भएका छन् ।

सम्मेलनले ६ सदस्यीय जिल्ला सल्लाहकार समिति समेत चयन गरेको केन्द्रीय उपाध्यक्ष तथा मधेश प्रदेश इञ्चार्ज कुमार भण्डारीले जानकारी दिए ।

महोत्तरी सम्मेलन पनि सम्पन्न

समाजको महोत्तरी सम्मेलन पनि सम्पन्न भएको छ । महोत्तरीको अध्यक्ष्ँमा तुलाबहादुर भण्डारी, उपाध्यक्षहरुमा शुसिला भण्डारी र शिवबहादुर भण्डारी, सचिवमा केदार भण्डारी, कोषाध्यक्षमा शुसिला भण्डारी, सहसचिवमा गुणराज भण्डारी र नेत्रबहादुर भण्डारी चयन भएका छन् ।

सदस्यहरुमा सुनिता, लालबहादुर, अनु, रामबहादुर, सानुनानी, होमबहादुर, खम्बबहादुर, कुमार, सन्तोष, यशोदा, सीताराम र भाष्कर भण्डारी चयन भएका छन् ।