लायोनिङ । सेञ्याङ सहर औद्योगिक सहरका रुपमा परिचित छ । उद्योगमात्रै होइन यो सहरले गरेको कृषि क्रान्ति विश्वकै लागि उदाहरणीय बनेको छ । विश्वकै ठूलो राइस फिडिङ कृषि फार्ममा बुधबार नेपालसहित विभन्न देशका पत्रकारहरुले भ्रमण गरे । स्थनीय सरकारले दिएको जानकारी अनुसार यो धान फार्म विश्वकै सबैभन्दा ठूलो धान फार्मका रुपमा गिनिज बुक अफ दी वल्र्ड रेकर्डमा यो फार्मको नाम लेखिएको छ । यहाँको धान फार्म ठूलो मात्रै होइन, सुन्दर समेत छ ।

धानखेतीको क्षेत्रफल धेरै ठूलो छ । यहाँ केवल धानखेती सामान्य तरिकाले भएको छैन । खेति नै कलात्मक तरिकाले बनाइएको छ । धान खेत घुम्न पनि मिनि रेल चढ्नुपर्छ । रेलले एक ठाउँबाट अर्को ठाउँसम्म घुम्न लैजान्छ ।

मंगलबार स्थानीय बजार, मेडिकल उद्योग र नदीमा डुंगा सयर गरेका विभन्न देशका पत्रकारहरुले बुधबार नयाँ अनुभव गरे । मलेसियाका पत्रकार मार्फिका अड्नान पनि धान खेती घुम्न पाएर खुसी छन् । हरियाली वातावरण र यहाँको उत्पादनले उनको ध्यान खिचेको छ । भ्रमण पछि उनले चामलबाट बनेका गुलिया परिकारहरु खरिद समेत गरेका छन् । उनी भन्छन्, ‘साह्रै रमाइलो भयो, अझ मैले यहाँ बनेका केही परिकारहरु पनि किने सस्तो पनि रहेछ ।’

म्यानमारका पत्रकार वीई ह्यालान पनि धान खेती भ्रमणले आफूू उत्साहित बनेको बताउछन् । उनलाई यहाँको सबैभन्दा मन पर्ने कुरा चाहिँ कलात्मक तरिकाले रोपिएको धान हो । यहाँ घुम्न जानेहरुका लागि ठाउँ ठाउँमा स्टेसन बनाइएको छ । जहाँ अग्ला भ्यूटावरहरु ठडिएका छन् । अग्ला भ्यूटावरबाट हेर्दा खेतमा कलात्मक आकृतिा देखिन्छ ।

कतै बादरका चित्र देखिन्छन् । कतै मान्छे । अनि चदै चराका चित्रहरु । अचम्मको कुरा चाहिँ यो कुनै पेपरमा कोरिएको वा कुँदेर बनाइएको होइन । विभिन्न आकृतिमा मिल्ने गरी रंग समेत मिलाएर धान रोपिएको छ । त्यहीँ धान बढेर ठूलो भए पछि साच्चिकै रमाइलो आकृति बन्छ । ‘धानमा बनाइएको कलाको जति प्रशंसा गरे पनि कम हुन्छ’ पत्रकार वीई भन्छन् ।

यहाँको धान खेतीले बजार पनि राम्रो पाएको छ । सेञ्याङ सहरमा धेरै उद्योगहरु छन् । यहाँ उच्च प्रविधिबाट धान रोपिन्छ, उच्च प्रविधिबाट नै यसलाई बजारसम्म पुुर्याउने व्यवस्था मिलाइन्छ । जसका कारण लागत कम भएको छ र खेतिले राम्रो प्रतिफल दिएको छ ।

यहाँ धान प्रशिक्षकका रुपमा कार्यरत च्याङ सी ताछीका अनुसार वर्षमा ४ पटक यहाँ बाली उब्जाइन्छ । एक पटक रोपेको धान तीन महिना नपुुग्दै काट्ने बेला हुन्छ । धान उत्पादनबाट राम्रो आम्दानी भएकै छ, यसको अर्को उत्पादन भनेको कृषि पर्यटन पनि हो । यहाँको कलात्मक खेति हेर्नका लागि आन्तरिक तथा बाह्य पर्यटकहरुको घुुइचो लाग्छ ।

बुधबार विदेशी पत्रकारहरु बाहेक अन्य धेरै समूहहरु खेति हेर्न पुगेका थिए । विभिन्न विद्यालयल तथा विश्व विद्यालयले समेत उदाहरणीय खेति भ्रमण गराउनका लागि यहाँ लैजाने गरेको छ । बुधबार सँँगसँगै जस्तो ४ वटा विद्यालयका विद्यार्थीहरु भ्रमणका लागि आइपुुगेका थिए ।

२३ सय वर्ष पुरानो इतिहास बोकेको यो सहर औद्योगिक सहरका रुपमा चर्चित छ । विश्व बजारमा पुुगेका धेरै मेसिनरी सामाग्रीहरु यहाँ बनेका छन् । चीन सरकारले यस सरमा उद्योग, प्रविधि, शिक्षा जस्ता क्षेत्रमा ठूलो लगानी गरेको छ ।

केही तस्वीरहरु हेर्नुहोस् :

 

Follow Up