काठमाडौं, १४ असोज । स्थानीय बजारमा सोमबार पहेलो धातुको मूल्य घटेको छ । सुनको मूल्य प्रतितोला १ सयले घटेको नेपाल सुनचाँदी व्यवसायी महासंघले जनाएको छ ।

आइतबार तोलामा १ लाख ६० हजार ६ सयमा कारोबार भएको सुनको मूल्य सोमबार १ सयले घटेर १ लाख ६० हजार ५ सय रुपैयाँ कायम भएको हो ।

त्यस्तै, सोमबार चाँदीको मूल्य पनि घटेको छ । आइतबार तोलामा १ हजार ९४५ रुपैयाँमा कारोबार भएको चाँदी सोमबार घटेर १ हजार ९४० रुपैयाँ कायम भएको छ ।