रमेश पौडल बेलका । बेलका नगरपालिकामा एउटा विषयले निकै चर्चा पाएको थियो । बेलका ९ का स्वतन्त्र वडा अध्यक्षका उम्मेदवारलाई खुकुरी लिएर खोज्दै हिडेका व्यक्तिको विषयलाई लिएर । तर अहिले वडा अध्यक्षको उम्मेदवार तेजमान विश्वकर्मा र ति खुकुरी प्रहर गर्न खोज्ने अमृत गौली बिच मिलापत्र भैसकेको छ ।

यस्तो थियो घटनाक्रम

तेजमान विश्वकर्मा बेलकाका नेकपा एमालेका नेता हुन । उनी नगरको कार्यपालीका सदस्य भएर समेत एक कार्यकाल काम गरिसकेका छन् । पार्टीले उनी भन्दा जुनियर व्यक्तिलाई टिकट दिएको भन्दै विश्वकर्माले स्वतन्त्र उम्मेदवारी दिएको बताउदै आएका छन् ।

आइतबार ११ गते उनले मनोनयन दर्ता गराएर र्फिनिन्दै थिए । रामपुर बजार बरपिपल छेउमा अमृत गौलीले ओइ उम्मेदवारी दिईस ? भनेर सोधे ।

विश्वकर्माले हजुर दिए त । भनेर नरम तरिकाले जवाफ दिए ।

उनी त्यो सुन्ना साथ अलि ठूलो स्वरमा भने, त मुलालाई केको भोट हाम्रो रीताले उम्मेदवारी हालेको छ, तलाई के को भोट ? जा कोशिमा हात धुएर आईज । गौलीले भने ।

विश्वकर्माले जवाफ दिए, हैन आफुलाई लागेको मान्छेलाई भोट दिने हो । यो राजनीतिक कुरा हो, जो उठे पनि अफुलाई मन लागेको मान्छेलाई भोट दिने हो । भनेर जवाफ दिए ।

त्यो सम्पुर्ण घटनाक्रम गौलीका सम्धी (अमर कार्की)ले समेत देखि रहेका थिए । त्यसको भोलिपल्ट गौलीका सम्धी ज्वाइ (गौलीका छोरा)को घरमा गएर सम्झाउदै भने, तपाईको बुवा पहिले पनि विष खाई सक्नु भएको, फेरी रक्सी खाएर अलि बडी बडी बोल्न थाल्नु भएछ, वुवालाई सम्झाउन आग्रह गरे ।

छोराले के भएको हो भनेर सोध्दा बजारमा भएको घटनाक्रम बेलि विस्तार लगाएर सुनाए ।

साझ ६ बजे गौली घर आउन साथ छोराले बुवालाई सम्झाउँदै त्यस्तो नर्गन आग्रह गरे ।

त्यसपश्चात गौली आक्रोशमा आएर खुकुरी लिएर बिश्वकर्मालाई बजार बजार खोज्दै हिड्न थाले, गौलीले खोज्दै खोज्दै घरमा आएका थिए तर, बिश्वकर्मा तिलक तामाङको घरमा लुकेर ज्यान बचाए ।

विश्वकर्माले गौलीको नातामा साला पर्नेलाई फोन गरेर घटनाक्रम बताए । लगत्तै विश्वकर्माले फेरी प्रहरीलाई समेत खबर गरे र प्रहरी घटना स्थलमा पुग्यो । प्रहरीले खुकुरी र मान्छे दुवैलाई पक्राउ गरेर इलाका प्रहरी कार्यालय रामपुर लग्यो ।

(उक्त कुरा तेजमान विश्वर्कासँगको कुराकानीका आधारमा)

कसरी भयो मिलापत्र ?

गौली प्रहरीको निगरानिमा मात्र थिए । उनलाई प्रहरीले घटना स्थलबाट पक्राउ गरेर ल्याउँदा समेत मुद्दा नलगाएको इलाका प्रहरी कार्यलयका प्रहरी निरिक्षक सुवास खनाल बताउछन् ।

घटनाको दोस्रो दिन गौली र विश्वकर्मा विच इलाका प्रहरी कार्यालयमा सहमति भइ मिलापत्र भयो । प्रहरीका अनुसार विश्वकर्माले गौलिको श्रिमतिलाई कुरा लगाएको विषयमा रिसिवि भएका कारण गौलीले खुकुरी लिएर खोजोको हो ।

खासमा अमृत गौली अटो डाइभर रहेछन्, “उनको श्रिमतिलाई तेजमानले कुरा लगाइदिएको रिसिविका कारण त्यसरी खुकुरी लिएर खोजेका रहेछन् । हामीले सोधपुछ गर्दा त्यसमा कुनै राजनीति पूर्वाग्राही देखेनौ, गौलीलाई विश्वकर्मा कुन पार्टी हो, के पदमा उठेको हो भन्ने कुरा समेत थाहा रहेनछ”, इलाका प्रहरी कार्यालयका सहायक प्रहरी निरक्षक नविन श्रेष्ठले केटिएम भ्वाइससँग भने ।

एक पटकलाई यस्तै भई हाल्यो भनेर विश्वकर्माले माफि दिएको र गौलीले माफि मागेर गौलीको श्रिमतिको जिम्मा लगाएर घर पठाएको श्रेष्ठको भनाई छ ।

सहमति भएको विषयमा विश्वकर्मा भन्छन्, “अब म पनि स्वतन्त्र वडा अध्यक्षको उम्मेदवार, आफ्नै गाउँ ठाउँको मान्छे, एक पटक गल्ती भयो भनेर सवैले भन्न थाले, उनको श्रीमतिले समेत मेरो श्रिमान तिन वर्षदेखि मानसिक सन्तुलन ठिक नभएको, ५ दिन देखि औषधि नखाएको करण यस्तो भएको भनेर भनिन् र अन्य साथिभाईले समेत मिल्न सल्लाह दिएपछि हामीले एक मिलापत्र जस्तै गार्यो”, केटिएम भ्वाईससँग विश्वकर्माले भने ।