काठमाडौं–५ को गणना सुरु, बालेनको अग्रता कायमै
वि.सं.२०७९ जेठ २ सोमवार १२:००
4.02K
shares
shares
काठमाडौं, २ जेठ । काठमाडौं महानगरपालिकाको मतगणना राष्ट्रिय सभागृहमा जारी छ । पछिल्लोपटक वडा नम्बर ५ को मतगणना सुरु भएकोमा त्यहाँ पनि स्वतन्त्र उम्मेदवार बालेन साहले अग्रता लिएका छन् ।
सो वडामा बालेनले ३३१ भोट ल्याउँदा एमालेका केशव स्थापितले २४६ र कांग्रेसकी सिर्जना सिंहले १७१ भोट ल्याउँदै बालेनलाई पछ्याइरहेका छन् । काठमाडौं ५ मा हाँडीगाउँ, विशालनगर, टंगाल, भाटभटेनीलगायतका स्थानहरु पर्छन् ।
अहिलेसम्म काठमाडौंको वडा नम्बर १ र २ को मतगणना सम्पन्न भइसकेको छ भने हाल ३, ४, ५, ६, ३१ र ३२ को मतगणना जारी छ । सबैमा बालेन अगाडि छन् ।
