काठमाडौं, ७ कात्तिक । चालु आर्थिक वर्षको पहिलो त्रैमासिकमा बैंकहरुको नाफामा सुधार देखिएको छ । सञ्चालनमा रहेका केही बैंकको नाफा घटेपनि समग्र रुपमा भने बैंकको नाफामा सुधार देखिएको हो ।

बैंकहरुले सार्वजनिक गरेको पहिलो त्रैमासिकको विवरण अनुसार असोज मसान्तसम्म बैंकहरुको नाफा ५.९३ प्रतिशतले बढेको देखिएको छ । गत आर्थिक वर्षको पहिलो त्रैमासिकमा सबै बैंकको नाफा १७ अर्ब ७० करोड बढी रहेको थियो । चालु आर्थिक वर्षको सोही अवधिमा बैंकको नाफा १८ अर्ब ७५ करोड बढी रहेको छ ।

पहिलो त्रैमासिकमा एक दर्जन बैंकको नाफा ऋणात्मक रहेको छ भने अरु सबैको नाफा धनात्मक छ । सुरुको तीन महिनामा नाफा प्रतिशतका आधारमा सबैभन्दा धेरै नाफा आर्जन गर्नेमा कुमारी बैंक रहेको छ भने सबैभन्दा कम नाफा आर्जन गर्ने बैंकमा ग्लोबल आइएमई बैंक रहेको छ । यो अवधिमा कुमारी बैंकले ८५.०७ प्रतिशत नाफा कमाएको छ भने ग्लोबल आइएमई बैंकको नाफा ६.९५ प्रतिशत रहेको छ ।

नाफा बढाउन सफल बैंकहरु निम्न छन्

पहिलो त्रैमासिकमा १४ वटा बैंकले नाफा वृद्धि गर्न सफल भए भने १२ वटा बैंकको नाफा भने घटेको छ । पहिलो त्रैमासिकमा सनराइज बैंकको नाफा सबैभन्दा बढी ६१.४९ प्रतिशतले घटेको छ । त्यस्तै कृषि विकास बैंकको ५४.४८ प्रतिशतले घटेको छ । त्यस्तै सिद्धार्थ बैंकको ४७.४८ प्रतिशतले घटेको छ । यो अवधिमा मेघा बैंकको नाफा पनि ४४.३३ प्रतिशतले घटेको छ ।

त्यस्तै सिटीजन बैंकको २७.०८, नेपाल बैंकको १९.९७, माछापुच्छ्रे बैंकको १९.६५, एनएमबी बैंकको १३.४५ प्रतिशतले घटेको छ । त्यस्तै लक्ष्मी बैंकको ८.९३, सानिमा बैंकको ३.४५ र एनसीसी बैंकको नफा ०.२३ प्रतिशतले घटेको छ ।