काठमाडौं, २२ असोज । नेपालमा हालैका बाढी र पहिरोले पुर्‍याएको व्यापक क्षतिको सामना गर्दै, सि.जी इलेक्ट्रोनिक्सले प्रभावित व्यक्तिहरूलाई सहयोग पुर्‍याउनु सहायता सेवा नामक एक मर्मत सहायता कार्यक्रम सञ्चालनमा ल्याएको हो।

यो कार्यक्रम अन्तर्गत बाढी र पहिरोले क्षतिग्रस्त भएका वारेन्टी अवधि भित्र रहेका उपकरणहरूको निस्शुल्क मर्मत सेवा प्रदान गरिनेछ। सि। जी इलेक्ट्रोनिक्स अन्तर्गत रहेका एल.जी, सि. जी, गोदरेज , टिसीएल, बेको, सेन्सेइ, माईडिया, क्रोमटन, केन्ट ब्रान्डमा लागु हुने कम्पनीले जनाएको छ ।

कम्पनीका अनुसार यस अभियानमा १०० प्रतिशत निशुल्क सेवा शुल्क र निशुल्क स्पेयर पार्ट्स उपलब्ध हुनेछ। साथै, ग्राहकहरूले आफ्ना क्षतिग्रस्त उपकरणहरू साटासाट गर्दा सर्वश्रेष्ठ मूल्याङ्कन पनि प्राप्त गर्न सक्नेछन्।

यो सेवा कार्तिक ९, २०२४ सम्म मान्य हुनेछ र यस अवधिभित्र आफ्नो समस्या दर्ता गराएका सबै ग्राहकहरूलाई यो सुविधा उपलब्ध हुनेछ। यो कार्यक्रम कम्पनीले समुदायसँगको सहकार्यलाई प्रकट गर्ने एउटा प्रयास हो जसले कठिन परिस्थितिमा साथ दिने प्रतिबद्धता देखाएको छ ।

कम्पनीका अनुसार सि.जी इलेक्ट्रोनिक्स यस्ता आपत्तकालीन परिस्थितिमा समुदायलाई सहयोग पुर्‍याउन निरन्तर प्रयास गरिरहेका छन्। यस पहल मार्फत, कम्पनीहरूले प्राकृतिक प्रकोपको सामना गरेका व्यक्तिहरूलाई सहयोग पुर्याउन र पुनर्निर्माण प्रक्रियामा मद्दत पुर्‍याउने आशा राख्छन्।