काठमाडौं, २२ असार । चौधरी ग्रुपअन्तर्गत रहेको नेपालको अग्रणी इलेक्ट्रोनिक्स ब्रान्ड सीजी इलेक्ट्रोनिक्सले नयाँ प्रविधियुक्त टेलिभिजन CG Meridia 55″ Karaoke QLED TV सार्वजनिक गरेको छ। कम्पनीका अनुसार यो नेपालमै पहिलो पटक इनबिल्ट कराओके सिस्टमसहित आएको QLED टिभी हो।

यसले नेपाली बजारमा पहिलोपटक display with built-in Karaoke Entertainment एकैसाथ ल्याएको छ।

चौधरी ग्रुप अन्तर्गतको प्रमुख उपभोक्ता प्रविधि ब्रान्ड सीजी इलेक्ट्रोनिक्सले ‘Level Up’ अभियानअन्तर्गत सार्वजनिक गरेको उक्त उत्पादनलाई कम्पनीले नेपाली मनोरञ्जन संस्कृतिमा नयाँ अध्यायको रूपमा प्रस्तुत गरेको छ।

“Secret Rockstar अब तपाईंको घरमै” भन्ने नारासहित बजारमा ल्याइएको टेलिभिजनले प्रयोगकर्तालाई टेलिभिजन हेर्ने मात्र नभई गाउने, रमाउने र आफ्नै प्रस्तुति दिने अवसरसमेत दिनेछ। टेलिभिजनमा Quantum Dot प्रविधिसँग युक्त QLED + 4K UHD डिस्प्ले, HDR10+ सपोर्ट, Anti-Glare स्क्रिन, र झिनो बेजलसहितको Infinite Screen डिजाइन समावेश गरिएको छ।

थप आकर्षक विशेषता स्वरूप यसमा इनबिल्ट Karaoke System दिइएको छ, जसमा डुअल माइक इनपुट, भोकल इफेक्ट तथा गीतहरूको लायब्रेरी समावेश छ।