एनआईसी एशिया बैंकको नाफा बढ्यो, चुक्ता पुँजी ११ अर्ब ५६ करोड
वि.सं.२०८० साउन २१ आइतवार १३:१३
5.68K
shares
shares
काठमाडौं, २१ साउन । एन आई सी एशिया बैंक लिमिटेडले आ.व. २०७९/८० को चौथो त्रैमासको वित्तीय विवरण प्रकाशित गरेको छ । जसअनुसार बैंकको खुद मुनाफा अघिल्लो वर्षको आधारमा १० प्रतिशतको वृद्धि भएर ४ अर्ब ६५ करोड पुगेको छ ।
यस बैंकले आ.व. २०७९/८० को चौथो त्रैमाससम्ममा कर्जा व्यवसायतर्फ कुल कर्जा रकम २ अर्ब ७१ करोड ५९ लाख पुर्याएको छ । साथै, निक्षेपतर्फ कुल निक्षेप संकलन ३ अर्ब १४ करोड ३१ लाख रहेको छ ।
यस अवधिमा बैंकको खुद ब्याज आम्दानी ९।६० प्रतिशतले बढेर १२ अर्ब ३७ करोड ११ लाख रुपैयाँ पुगेको छ । अघिल्लो आर्थिक वर्षको सोहि अवधिमा बैंकको उक्त आम्दानी ९।६० प्रतिशत रहेको थियो ।
समिक्षा अवधिमा बैंकको चुक्ता पुँजी ११ अर्ब ५६ करोड ४१ लाख रुपैयाँ रहेको छ ।
