काठमाडौं, ३० साउन । शिवम् सिमेन्टले भदौ १० गते सवशेष साधारणसभा गर्ने भएको छ ।कम्पनीको साउन २३ गतेको सञ्चालक समितिको बैठकले अनामनगरस्थित आफ्नै कर्पोरेट कार्यालयमा विहान ११ बजे सभा गर्ने निर्णय गरेको हो ।

सभाले कम्पनीको प्रबन्धपत्र र नियमावली संशोधन लगाएतका प्रस्तावहरू पारित गर्नेछ । सभाले प्रबन्धपत्रतर्फ स्वीकृत प्रबन्ध पत्रको दफा ६ को खण्ड (ग) लाई संशोधन गर्ने र खण्ड (घ) संशोधन गरी हटाउने प्रस्ताव पारित गर्नेछ । यस अनुसार भदौ १ गतेसम्म कायम शेयरधनीले विशेष साधारणसभामा भाग लिन पाउँनेछन् ।

त्यस्तै कम्पनीको स्वीकृत नियमावलीको नियम नं. २३ गणपुरक संख्या कुल शेयर संख्याको ६७ प्रतिशत रहेकोलाई संशोधन गरी ५१ प्रतिशत कायम गर्ने, कम्पनीको नियमावलीको नियम नं.२५ को उप नियम ९५० संशोधन गरी विशेषज्ञ संचालकको मनोनयन र अन्य संचालकहरुको निर्वाचन गर्ने सम्बन्धि व्यवस्था कायम गर्ने प्रस्तावलाई समेत सभाले पारित गर्ने कार्यक्रम रहेको छ । कम्पनीले बुक क्लोज भने भदौ २ गते गर्ने छ ।