आजबाट औपचारीक रुपमा पोखरा पर्यटकीय राजधानी (तस्विरसहित)
वि.सं.२०८० चैत ४ आइतवार १५:१२
4.55K
shares
shares
पोखरा, ४ चैत । पोखरा शहर औपचारिक रुपमा पर्यटकीय राजधानी घोषणा भएको छ । आज आईतबार देखि पोखरा औपचारीक रुपमा पर्यटकीय राजधानी भएको हो ।
आज पोखरामा भएको महोत्सवको अवसरमा प्रधानमन्त्री पुष्पकमल दाहाल प्रचण्डले पोखरालाई नेपालको पर्यटन राजधानी घोषणा गरेका हुन् । पोखरा प्राकृतिक, साँस्कृतिक साहसिक क्षेत्रको अद्वितीय संगम रहेको प्रचण्डले बताएका छन् ।
कार्यक्रममा बोल्दै पोखरा महानगरपालिकाका प्रमुख धनराज आचार्यले प्राकृतिक, साँस्कृतिक साहसिक क्षेत्रको दृष्टिले अनुपम, विश्वकै शीर्ष पर्यटकीय गन्तव्यको रुपमा ख्याती प्राप्त सुन्दर पोखरालाई मुलुककै पर्यटकीय राजधानीको रुपमा औपचारिक रुपमा घोषणा गरिएको बताए ।
