तोलामा दुई सय रुपैयाँले बढ्यो सुनको मूल्य
वि.सं.२०८१ असार १६ आइतवार ११:३४
5.28K
shares
shares
काठमाडौं, १६ असार । स्थानीय बजारमा आइतबार सुनको मूल्य बढेको छ । आइतबार सुनको मूल्य तोलामा दुई सय रुपैयाँले बढेको हो ।
शुक्रबार प्रतितोला १ लाख ४१ हजार ८ सय रुपैयाँमा कारोबार भएको छापावाला सुनको मूल्य आइतबार दुई सय रुपैयाँले बढ्दै १ लाख ४२ हजार रुपैयाँ पुगेको छ ।
यस्तै आज तेजाबी सुनको मूल्य १ लाख ४१ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
चाँदीको मूल्य भने आज स्थिर रहेको छ । आज चाँदीको मूल्य शुक्रबारकै मूल्य कायम हुँदै आज स्थिर रहेको छ । गत शुक्रबार चाँदी प्रतितोला १ हजार ७ सय ९० रुपैयाँमा कारोबार भएको थियो ।
