काठमाडौं, २५  साउन । आर्थिक गतिविधिमा आएको संकुचनसँगै  बैंकहरूको खराब कर्जा पनि वृद्धि भएको छ ।

गत वर्ष अधिकांश बैंकहरुको खराब कर्जा बढेको छ । हाल सञ्चालनमा रहेका २० ‘क’ वर्गका बैंकहरु मध्ये ७ वटा बैंकहरुले मात्रै खराब कर्जा घटाएका छन् ।

गत वर्ष एभरेष्ट, प्रभु, प्राइम, राष्ट्रिय वाणिज्य, हिमालयन, नेपाल इन्भेष्टमेन्ट मेगा बैंक र नेपाल एसबिआईले मात्र खराब कर्जा घटाएका छन् । यी बाहेकका सबै बैंकहरूको खराब कर्जा अनुपात बढेको देखिएको छ ।

 औसतमा २० वाणिज्य बैंकहरूको खराब कर्र्जा ३.५४ प्रतिशत पुगेको छ । अघिल्लो आर्थिक वर्षमा बैंकहरूको खराब कर्जा अनुपात ३.०१ प्रतिशत रहेकोमा ०.५३ प्रतिशतले बढेर ३.५४ प्रतिशत पुगेको हो ।

याे पनि पढ्नुहाेस् : ८० लाख हिनामिनामा उपासना पौडेलको संलग्नता

यो पनि पढ्नुहोस् : कमजोर नेतृत्वले थलिदै हिमालयन रि, बीमा दावी दिन महाभारत !

वाणिज्य बैंकहरू मध्ये एभरेष्ट बैंकको सबैभन्दा कम खराब कर्र्जा रहेको छ । उक्त बैंकको खराब कर्जा ०.७१ प्रतिशत मात्र रहेको छ । अघिल्लो आर्थिक वर्ष बैंकको खराब कर्जा ०.७९ प्रतिशत रहेमा थप सुधार भएर ०.७१ मा झरेको छ ।

उता कुमारी बैंकको सबैभन्दा बढि खराब कर्जा देखिएको छ  । अघिल्लो वर्ष कुमारी बैंकको निस्कृय कर्जा ४.९६ प्रतिशत रहेको थियो । यसमा झिनो सुधार भएर गत वर्ष बैंकको खराब कर्जा ४.९५ प्रतिशतमा झरेको छ । यद्यपि, यो अन्य बैंकहरुको तुलनामा धेरै हो ।

खुसीको कुरा चाहिँ कुनै पनि वाणिज्य बैंकको खराब कर्जा ५ प्रतिशत पुगेको छैन । यसकारण आत्तिनुपर्ने त देखिदैन तर पनि तु्लनात्मक रुपमा उक्त बैंकहरुको खराब कर्जा भने बढिरहेको छ ।

हेर्नुस कुन बैंकको कति छ खराब कर्जा :