शेयर बजारमा दोहोरो अंकले गिरावट, बढ्यो कारोबार रकम
वि.सं.२०८१ माघ १३ आइतवार १५:०५
2.99K
shares
shares
काठमाडौं, १३ माघ । शेयर बजार साताको पहिलो दिन दोहोरो अंकले घटेको छ । शेयर बजार १०.४१ अंकले घटेर २,६४३ बिन्दुमा कायम भएको छ ।
शेयर बजारमा ११६ कम्पनीको शेयर मूल्य बढेको छ भने १२१ कम्पनीको शेयर मूल्य घटेको छ भने ६ कम्पनीको शेयर मूल्य स्थीर रहेको छ । यसदिन ९ अर्ब १२ करोडको कारोबार भएको हो ।
दोहोरो अंकले घटेको शेयर बजारमा उपकार लघुवित्त र माथिल्लो मलुङखोला जलविद्युतका लगानीकर्ताले सर्वाधिक कमाएका छन् । यी २ कम्पनीको शेयर मूल्य १० प्रतिशतका दरले बढेको छ ।
शेयर बजारमा बोर्टलस नेपाल, एनआइसी एशिया डिबेन्चर, दोल्टी पावर र जानकी फाइनान्सका लगानीकर्ताले सर्वाधिक गुमाएका छन् । उक्त कम्पनीको शेयर मूल्य १० प्रतिशतको दरले घटेर नकारात्मक सर्किट लागेको हो ।
