थप १० जनामा काेराेना संक्रमण पुष्टि
वि.सं.२०७९ असोज १९ बुधवार १९:२६
5.53K
shares
shares
काठमाडौं, १९ असोज । पछिल्लो २४ घण्टामा १० जनामा कोरोना भाइरसको संक्रमण पुष्टि भएको छ । पीसीआर र एन्टिजेन गरी ९७८ जनाको नमुना परीक्षण गर्दा १० जनामा संक्रमण देखिएको स्वास्थ्य तथा जनसंख्या मन्त्रालयले जनाएको हो ।
यही अवधिमा ७६ जना निको भएसँगै कोरोना भाइरसका सक्रिय संक्रमितको संख्या ७३२ जनामा झरेको छ । यस्तै थप नौ हजार पाँच सय ११ जनाले कोरोनाविरुद्धको खोप लगाएको विवरण प्राप्त भएको स्वास्थ्य मन्त्रालयले जनाएको छ ।
यसैबीच गएको साउनपछि नेपालमा ३१ हजार १०३ जनामा डेङ्गी संक्रमण पुष्टि भएको छ । डेङ्गी पुष्टि भएकामध्ये ४१ जनाको ज्यान गएको मन्त्रालयले जनाएको छ ।
