लघुवित्तको कर्जा प्रवाह ४८.९२ प्रतिशत कृषि क्षेत्रमा, अन्य क्षेत्रमा कति ?
वि.सं.२०८० फागुन ७ सोमवार १७:५२
shares
काठमाडौं, ७ फागुन । चालु आर्थिक वर्षको पुस मसान्तसम्ममो ५७ वटा लघुवित्तको वित्तीय विवरण नेपाल राष्ट्र बैंकले सार्वजनिक भएको छ । लघुवित्तले पुस मसान्तसम्ममा ४ खर्ब ३९ अर्ब ६१ करोड ३१ लाख रुपैयाँ कर्जा प्रवाह गरेका छन् ।
लघुवित्तले गत पुस मसान्तमा प्रवाह गरेको कुल कर्जाको ४८.९२ प्रतिशत अर्थात २ खर्ब १५ अर्ब ६८ लाख ६० हजार रुपैयाँ कृषि क्षेत्रमा प्रवाह भएको राष्ट्र बैंकले जनाएको छ ।
गत असार मसान्तमा कृषि क्षेत्रमा ४८.३२ प्रतिशत अर्थात २ खर्ब ८ अर्ब ८७ करोड ६३ लाख रुपैयाँ कर्जा प्रवाह भएको थियो । गत असारको तुलनामा कृषि क्षेत्रमा हुने कर्जा प्रवाह केही बढेको देखिएको छ ।
दोस्रो त्रयमाससम्ममा लघुवित्त वित्तीय संस्थाहरुले प्रवाह गरेको कुल कर्जा मध्ये घरेलु तथा लघु उद्योग क्षेत्रमा ४.४२ प्रतिशत अर्थात १९ अर्ब ३४ करोड ८० लाख रुपैयाँ र सेवा व्यवसाय क्षेत्रमा २५.९१ प्रतिशत अर्थात १ खर्ब १३ अर्ब ९० करोड ८८ लाख रुपैयाँ कर्जा प्रवाह भएका छ ।
थोक कर्जा ५४ अर्ब ८ करोड ३९ लाख रुपैयाँ अर्थात १२.३० प्रतिशत प्रवाह भएको छ भने अन्य क्षेत्रमा ८.४४ प्रतिशत अर्थात ३७ अर्ब ११ करोड ३९ लाख रुपैयाँ कर्जा प्रवाह भएको छ ।
कर्जा विवरण | २०८० असार ( रु. करोडमा ) | २०८० असार ( प्रतिशत ) | २०८० पुस ( रु. करोडमा ) | २०८० पुस ( प्रतिशत ) |
कृषि | २०,८८७.६३ | ४८.३२ | २१,५०६.८६ | ४८.९२ |
घरेलु तथा लघु उद्योग | १,२६४.०५ | २.९२ | १,९४३.८० | ४.४२ |
सेवा व्यवसाय | ११,५४९.०५ | २६.७२ | ११,३९०.८८ | २५.९१ |
थोक कजा | ६,०३०.७९ | १३.९५ | ५,४०८.३९ | १२.३० |
अन्य | ३,४९२ | ८.०८ | ३,७११.३९ | ८.४४ |
जम्मा | ४३,२२३.७४ | १०० | ४३,९६१.३१ | १०० |