झलनाथ खनालका नाममा खोलिएको स्वास्थ्य विज्ञान प्रतिष्ठानमा भ्रष्टाचार भएको ठहर
वि.सं.२०८१ असार १२ बुधवार १०:४९
3.67K
shares
shares
काठमाडौं, १२ असार नेकपा एकीकृत समाजवादीका नेता झलनाथ खनालका नाममा खोलिएको स्वास्थ्य विज्ञान प्रतिष्ठानमा १७ करोड ९८ लाख ३३ हजार भ्रष्टाचार भएको विशेष अदालतले ठहर गरेको छ ।
झलनाथ खनाल प्रतिष्ठानले सर्प पालन गरेर एन्टिभेनम उत्पादनका लागि सर्लाहीको लालबन्दी नगरपालिकामा प्रतिष्ठानको सहकार्यमा ‘एन्टिभेनम प्रोडक्सन एन्ड रिसर्च सेन्टर, नेपाल स्थापना, व्यवस्थापन र सञ्चालन गर्ने गरी रकम निकासा भएको थियो ।
अदालतले दोषी ठहर गरेकाहरुको सजाय निर्धारणका लागि असार २५ गते पेसी तोकिएको छ । कामै नगरी रकम हिनामिना गरेको आरोपमा अख्तियारले २०८० साल असोज २१ गते विशेष अदालतमा भ्रष्टाचार मुद्दा दायर गरेको थियो ।
