फिलिपिन्समा भूकम्पमा परी १५ जनाको मृत्यु, १२९ जना घाइते
वि.सं.२०८३ जेठ २५ सोमवार १७:०४
845
shares
shares
काठमाडौं, २५ जेठ। दक्षिणी फिलिपिन्समा सोमबार बिहानै गएको ७.८ म्याग्निच्यूडको शक्तिशाली भूकम्पमा परी कम्तीमा १५ जनाले ज्यान गुमाएका छन् भने १२९ जना घाइते भएका छन्।
मिन्डानाओ टापुको सोक्सार्जेन क्षेत्रमा १२ जनाको र दाभाओ अक्सिडेन्टल प्रान्तमा थप ३ जनाको मृत्यु भएको बताइएको छ। भूकम्पका कारण दर्जनौं घरहरू भत्किएका छन्।
मिन्डानाओका ६ क्षेत्रमा साना सुनामीका छालहरू रेकर्ड गरिएका छन्। यसबाट अधिकांश मिन्डानाओको दक्षिणी तटीय क्षेत्रका नागरिकहरू प्रभावित भएका छन्। रेकर्ड गरिएका छालहरूमध्ये सबैभन्दा ठूलो छाल ४.६ फिट अग्लो रहेको बताइएको छ।
