काठमाडौं, २२ असार । सोमवार शेयर बजार दोहोरो अंकले घटेको छ । शेयर बजार २६.२९ अंकले घटेर २६२७.११ बिन्दुमा कायम भएको छ ।

शेयर बजारमा ३४ कम्पनीको शेयर मूल्य बढेको छ भने २३९ कम्पनीको शेयर मूल्य घटेको छ भने ४ कम्पनीको स्थिर रहेको छ । यसदिन ३ अर्ब ५५ करोड कारोबार भएको हो ।

दोहोरो अंकले घटेको शेयर बजारमा थ्री स्टार हाइड्रोपावर लिमिटेडका लगानीकर्ताले सर्वाधिक गुमाएका छन् । उक्त कम्पनीका लगानीकर्ताले १३.७९ प्रतिशतका दरले गुमाएका छन् ।

त्यसैगरि नेपाल फाइनान्स लिमिटेडका लगानीकर्ताले ११.६४ प्रतिशतका दरले गुमाएका छन् भने खानीखोला हाइड्रोपावर कम्पनी लिमिटेडका लगानीकर्ताले ९.७२ प्रतिशतका दरले गुमाएका छन् ।

त्यसैगरि एनआईबिएल स्टेबल फन्डका लगानीकर्ताले ७.५३ प्रतिशतका दरले गुमाएका छन् भने उपकार लघुवित्त वित्तीय संस्था लिमिटेडका लगानीकर्ताले ६.४५ प्रतिशतका दरले गुमाएका छन् ।