काठमाडौं, २५ भदौ । बिहिबार शेयर बजार दोहोरो अंकले घटेको छ। शेयर बजार १८.७१ अंकले घटेर २५२६.६९ विन्दुमा बन्द भएको हो।

शेयर बजारमा ४८ कम्पनीको सेयर मूल्य बढेको छ भने २२० वटाको घटेको छ। यस्तै, १० कम्पनी स्थिर छन्। यसदिन ३ अर्ब ८७ करोड रूपैयाँको कारोबार भएको छ।

दोहोरो अंकले घटेको शेयर बजारमा लिबर्टी इनर्जी कम्पनी लिमिटेडका लगानीकर्ताले सर्वाधिक कमाएका छन् । उक्त कम्पनीका लगानीकर्ताले १५.०० प्रतिशतका दरले कमाएका छन् ।

त्यसैगरि डोल्टी पावर कम्पनी लिमिटेडका लगानीकर्ताले ८.२२ प्रतिशतका दरले कमाएका छन् भने अपर लोहोरे खोला हाइड्रोपावर कम्पनी लिमिटेडका लगानीकर्ताले ७.०२ प्रतिशतका दरले कमाएका छन् ।

त्यसैगरि इमर्जिङ नेपाल लिमिटेडका लगानीकर्ताले ५.४६ प्रतिशतका दरले कमाएका छन् भने शिव श्री हाइड्रोपावर लिमिटेडका लगानीकर्ताले ४.९२ प्रतिशतका दरले कमाएका छन् ।