मञ्जुश्री फाइनान्सको १ लाख २९ हजार बढी संस्थापक सेयर बिक्रीमा
वि.सं.२०८३ असोज २६ सोमवार ०९:४४
455
shares
shares
काठमाडौं — मञ्जुश्री फाइनान्स लिमिटेडले १ लाख २९ हजार ३२ कित्ता संस्थापक सेयर बिक्री खुला गरेको छ। फाइनान्सका एक जना संस्थापक सेयरधनीले आफ्नो स्वामित्वमा रहेको सेयर बेच्न लागेका हुन्।
संस्थापक सेयरधनी नुमनाथ पौडेलले उक्त सेयर बिक्रीका लागि सञ्चालक समितिमा निवेदन दिएपछि खरिद–बिक्री प्रक्रिया अघि बढाइएको हो। विद्यमान नियमअनुसार संस्थापक सेयर खरिदको पहिलो हक हाल कायम संस्थापक सेयरधनीलाई नै हुने भएकाले संस्थाले उनीहरूलाई नै प्राथमिकतामा राखेर खरिदका लागि आह्वान गरेको छ।
यस सेयर खरिद गर्न इच्छुक विद्यमान सेयरधनीले सूचना प्रकाशित भएको मिति (असोज २५ गते) बाट ३५ दिनभित्र आवश्यक प्रमाण र कागजातसहित आवेदन दिनुपर्नेछ। आवेदकले आफूले लिन चाहेको सेयर कित्ता खुलाएर थापाथलीस्थित संस्थाको केन्द्रीय कार्यालयमा निवेदन पेस गर्नुपर्नेछ।
तोकिएको म्यादभित्र हालका संस्थापक सेयरधनीहरूबाट खरिदको प्रस्ताव नआएमा भने उक्त सेयर सर्वसाधारण वा अन्य व्यक्ति तथा संस्थालाई बेच्ने प्रक्रिया अघि बढाइने फाइनान्सले जनाएको छ।
