२५ अर्ब बराबरको ट्रेजरी बिल खरिद गर्दै राष्ट्र बैंक
वि.सं.२०७९ भदौ ९ बिहीवार १२:२९
5.95K
shares
shares
काठमाडौं, ९ भदौ । नेपाल राष्ट्र बैंकले २५ अर्बको ट्रेजरी बिल खरिद गर्ने भएको छ। बैंकिङ्ग प्रणालीमा तरलता व्यवस्थापनको लागि २०७९ पुस मसान्तसम्म भुक्तानी अवधि भएका २५ अर्ब रुपैयाँ बराबरको ट्रेजरी बिल्स सोझै खरिद गर्न लागेको हो।
ट्रेजरी बिल्स बिक्री गर्न चाहने बैंक तथा वित्तीय संस्थाले बिहीबार २ बजेसम्म बोलकबोलमा भाग लिन पाउने केन्द्रीय बैंकले जनाएको छ। बोलकबोल आवेदनका आधारमा बैंकले शुक्रबार ट्रेजरी खरिद गर्नेछ।
केन्द्रिय बैंकले बैंकहरुमा तरलता व्यवस्थापन गर्न समयसमयमा यस्ता उपकरणहरु बिक्री तथा खरिद गर्ने गरेको छ।
