सिंहदरबार वरपरका क्षेत्रमा शनिबार बिहान चार घण्टा विद्युत आपूर्ति बन्द हुने
वि.सं.२०८० कात्तिक १७ शुक्रवार ०९:२३
7.36K
shares
shares
काठमाडौं,१७ कार्तिक । सिंहदरबार परिसरभित्र र त्यस वरपरका क्षेत्रमा शनिबार बिहान चार घण्टा विद्युत आपूर्ति बन्द हुने भएको छ ।
स्युचाटारदेखि सिंहदरबारसम्मको ६६ केभी लाइन मर्मत कार्य गर्नुपर्ने भएकाले शनिबार बिहान ७ बजेदेखि ११ बजेसम्म विद्युत आपूर्ति बन्द हुने नेपाल विद्युत प्राधिकरणले जनाएको छ ।
प्राधिकरणले शुक्रबार जारी गरेको सूचनामा उल्लेख भए अनुसार सिंहदरबार परिसरभित्रका सबै कार्यालयहरुमा शनिबार बिहान चार घन्टा विद्युत आपूर्ति बन्द हुने भएको छ । त्यस्तै जिल्ला प्रशासन कार्यालय बबरमहल, पुतलीसडक, बागबजार, कमलादी, हात्तीसार, डिल्लीबजार, असन, महाबौद्ध, जमल, घट्टेकुलो, अनामनगर, ज्ञानेश्वर, नक्शाल, सेतोपुल, रातोपुल क्षेत्रमा विद्युत आपूर्ति बन्द हुने छ ।
