काठमाडौं, ३१ साउन। इकोनोमिक मिडिया एसोसिएसन नेपाल (इमान)का अध्यक्ष रोयल आचार्य चाइना पब्लिक डिप्लोमेसी एसोसिएसन (सीपीडीए)ले आयोजना गर्ने ‘चाइना एसिया प्यासिफिक पे्रस सेन्टर २०२४’ कार्यक्रममा सहभागी हुन  प्रस्थान गरेका छन् ।

कार्यक्रममा नेपालसहित २० देशका प्रतिनिधिको सहभागिता रहने छ । अध्यक्ष आचार्य चीनतर्फ प्रस्थान गर्ने भएपछि कार्यवाहक अध्यक्षको जिम्मेवारी उपाध्यक्ष डिल्लीप्रसाद सापकोटाले पाएका हुन् ।

देशको आर्थिक समृद्धिका लागि बहस, छलफल, अध्ययन–अनुसन्धान गर्दै आइरहेको र जनताका आर्थिक मुद्दाहरुलाई मूलरुपमा उठाउँदै सम्बन्धित निकायलाई घच्घच्याइरहेको इमानले अध्यक्ष आचार्यको भ्रमण र अध्ययन–अनुसन्धानले इमानलाई थप अगाडि बढ्न मद्दत पुग्ने विश्वास गरेको छ ।