काठमाडौं, २१ साउन । आर्थिक वर्ष २०८२र८३ मा रु ५७ करोड १५ लाखभन्दा बढी राजस्व जम्मा भएको छ।यातायात व्यवस्था कार्यालय जनकपुरधाम, धनुषाले सेवाग्राहीबाट गत आर्थिक वर्षमा उक्त राजस्व सङ्कलन गरेको हो।

नयाँ सवारी दर्ता, नवीकरण तथा सवारी चालक अनुमतिपत्र वितरणलगायतबाट आव २०८२र८३ मा सो कार्यालयले रु ५७ करोड १५ लाख ३० हजार ६३६ राजस्व सङ्कलन गरेको कार्यालय प्रमुख वासुदेव मल्लले राससलाई बताए।

उनले उक्त राजस्व अघिल्लो आर्थिक वर्ष २०८१र८२ को तुलनामा रु नौ करोड ५४ लाख १३ हजार ३४४ कम सङ्कलन भएको जानकारी दिए।सो कार्यालयले अघिल्लो आर्थिक वर्ष २०८१र८२ मा विभिन्न शीर्षकमा रु ६६ करोड ६९ लाख ४३ हजार ९८० राजस्व सङ्कलन गरेको थियो।

गत भदौ २३ र २४ गतेको ‘जेनजी’ आन्दोलन तथा आर्थिक वर्षको अन्तिम महिनामा यातायात व्यवस्था विभागले सफ्टवेयर निर्माणका क्रममा ढिलाइ भएका कारण राजस्व सङ्कलनमा कमी आएको बताइएको छ।

कार्यालय प्रमुख मल्लका अनुसार आव २०८२र८३ मा मोटरसाइकल १६ हजार ९५७ वटा, बसरट्रक १८७ वटा, टेम्पोरविद्युतीय रिक्सा एक हजार ९०२ वटा, ट्याक्टर एक हजार २२ वटा, जिपरकार २२६ वटालगायत गरी २१ हजार २९४ वटा नयाँ सवारी दर्ता भएका छन्। यस अवधिमा नयाँ तथा वर्ग थप गरी १३ हजार ३३८ जनालाई सवारीचालक अनुमतिपत्र वितरण गरिएको थियो।