पुष्पलाल इन्भेष्टमेन्ट कम्पनीले आईपीओ निष्काशन गर्ने
वि.सं.२०८३ साउन २२ शुक्रवार ११:५३
663
shares
shares
काठमाडौं, २२ साउन । पुष्पलाल इन्भेष्टमेन्ट कम्पनी लिमिटेडले आईपीओ निष्कासनको विशेष प्रस्तावसहित साधारण सभा डाकेको छ ।
साउन २० गते बसेको कम्पनीको सञ्चालक समितिको बैठकले आगामी भदौ १३ गते झापाको बिर्तामोडमा रहेको इन्द्रेणी ब्याङ्क्वेटमा बिहान ११ बजेदेखि सभा आयोजना गर्ने निर्णय गरेको हो । उक्त सभामा कम्पनीको अधिकृत तथा जारी पूँजी वृद्धि गर्ने, आईपीओ जारी गर्ने र आईपीओ सम्बन्धी सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने प्रस्ताव पारित गरिनेछन् ।
यस्तै सभामा गत आवको वार्षिक प्रतिवेदन लगायतका वित्तीय विवरणहरु समेत पारित गरिनेछन् ।
