आएन शेयर बजारमा सुधार, आज १६ अंकको गिरावट
वि.सं.२०७९ मंसिर २१ बुधवार १५:१०
4.42K
shares
shares
काठमाडौं, २१ मंसिर । साताको चौथो कारोबारका दिन पनि शेयर बजार ओरालो गतिमा देखिएको छ । आज नेप्से परिसुचक १६ दशमलव ६१ अंकले घटेको छ ।
बुधबार नेप्से परिसुचक शुन्य दशमलव ८६ प्रतिशतले घिटेर १९१७ दशमलव २८ को विन्दुमा पुगेको छ ।
नेप्से परिसुचकसंगै ‘क’ वर्गको कारोबार मापन गर्ने सेन्सेटिभ इन्डेक्स पनि ४ दशमलव ४ अंकले घटेको छ । आज दिनभर भएका २० हजार ३१ कारोबारबाट २४६ कम्पनीका ८० लाख ९२ हजार ७ सय १९ कित्ता शेयर किनबेच भएका छन् ।
जसबाट आज भएको सम्पूर्ण कारोबार रकम १ अर्ब ६५ करोड ४६ लाख ६२ हजार ५ सय ५० पुगेको छ ।
