आइएमई जनरल इन्स्योरेन्सको शेयर मूल्य समायोजन
वि.सं.२०७९ पुस २६ मंगलवार १९:३५
5.92K
shares
shares
काठमाडौं, २६ पुस । आइएमई जनरल इन्स्योरेन्स लिमिटेडको शेयर मूल्य समायोजन भएको छ । नेपाल स्टक एक्सचेन्ज (नेप्से) ले मंगलवार कम्पनीको ६ प्रतिशत बोनस शेयर प्रयोजनका लागि मूल्य समायोजन गरेको हो ।
कम्पनीको मंगलवार कायम अन्तिम शेयर मूल्य रू. ५३० दशमलव ३० को आधारमा नेप्सेले बोनसपछिको मूल्य रू. ५०० दशमलव २८ तोकेको हो । बुधवार कम्पनीको समायोजनपछिको मूल्यका आधारमा शेयर कारोबार खुला हुनेछ ।
कम्पनीले गत आर्थिक वर्षको मुनाफाबाट ६ प्रतिशत बोनस शेयरसँगै कर प्रयोजनका लागि शून्य दशमलव ३२ प्रतिशत नगद लाभांश वितरण गर्ने प्रस्ताव गरेको छ ।
कम्पनीले प्रस्तावित लाभांशसहित विविध प्रस्ताव पारितका लागि माघ ९ गते वार्षिक साधारण सभा बोलाएको छ ।
