काठमाडौं, २६ फागुन । नेपालको चालु खाता र शोधनान्तर स्थिति माघ मसान्तमा वृद्धि भएको छ । नेपाल राष्ट्र बैंकका अनुसार माघ मसान्तमा चालु खाता र शोधनान्तर स्थितिमा सकारात्मक वृद्धि भएको हो ।

यस अवधिमा चालु खाता १६६ अर्ब ८० करोड रुपैयाँले बचतमा रहेको छ, जुन अघिल्लो वर्षको सोही अवधिको तुलनामा ४ अर्ब २८ करोड रुपैयाँले बढी हो। अघिल्लो वर्षको माघ महिनामा चालु खाता १६२ अर्ब ५२ करोड रुपैयाँको बचतमा थियो।

अघिल्लो महिनाको तुलनामा पनि चालु खाता १८ अर्ब ६३ करोड रुपैयाँले वृद्धि भएको छ, जुन अघिल्लो महिनामा चालु खाता १४८ अर्ब १७ करोड रुपैयाँको बचतमा थियो।

त्यस्तै, शोधनान्तर स्थिति पनि सकारात्मक प्रवृत्तिमा रहेको देखिएको छ। माघ मसान्तमा शोधनान्तर स्थिति २८४ अर्ब ४१ करोड रुपैयाँले बचतमा रहेको छ। यसमा पनि अघिल्लो वर्षको सोही अवधिको तुलनामा १३ अर्ब ३१ करोड रुपैयाँको घटबढ आएको छ, जहाँ अघिल्लो वर्षको माघ महिनामा शोधनान्तर स्थिति २९७ अर्ब ७२ करोड रुपैयाँको बचतमा थियो।

अघिल्लो महिनाको तुलनामा शोधनान्तर स्थिति ३५ अर्ब १५ करोड रुपैयाँले वृद्धि भएको छ। अघिल्लो महिनामा शोधनान्तर स्थिति २४९ अर्ब २६ करोड रुपैयाँको बचतमा रहेको थियो।