काठमाडौं, ९ असोज । बिहीवार शेयर बजार सामान्य अंकले घटेको छ । शेयर बजार २.३५ अंकले घटेर २,६५२ बिन्दुमा कायम भएको छ ।

शेयर बजारमा १०७ कम्पनीको शेयर मूल्य बढेको छ भने १०३ कम्पनीको शेयर मूल्य घटेको छ भने ५ कम्पनीको शेयर मूल्य स्थिर रहेको छ । यसदिन ३ अर्ब २६ करोडको कारोबार भएको हो ।

सामान्य अंकले घटेको शेयर बजारमा सिटी होटलका लगानीकर्ताले सर्वाधिक गुमाएका छन् । उक्त कम्पनीको लगानीकर्ताले ७.५५ प्रतिशतका दरले गुमाएका हुन् ।

यसदिन नारायणी विकास बैंकका लगानीकर्ताले ५.८५ प्रतिशतका दरले गुमाएका छन् भने समता घरेलु लघुवित्तका लगानीकर्ताले ४.७४ प्रतिशतका दरले गुमाएका छन् ।

त्यसैगरी सयपत्री हाइड्रोपावरका लगानीकर्ताले ४.११ प्रतिशतका दरले गुमाएका छन् भने सिक्लेस हाइड्रोपावरका लगानीकर्ताले ३.९५ प्रतिशतका दरले गुमाएका छन् ।