आईपीओ निष्कासनका लागि ३ कम्पनीको धितोपत्र बोर्डमा आवेदन
वि.सं.२०८३ वैशाख २१ सोमवार १७:५१
1K
shares
shares
काठमाडौं, २१ वैशाख । नेपाल धितोपत्र बोर्डमा आईपीओ निष्कासनको माग गर्दै ३ कम्पनीले आवेदन दिएका छन् । डोलेश्वर भिलेज रिसोर्ट एण्ड फार्म हाउस लिमिटेड, भगवती स्टिल इन्डस्ट्रिज लिमिटेड र एशियन कन्क्रिटो लिमिटेडले आईपीओ निष्कासनका लागि बोर्डमा आवेदन दिएका हुन् ।
डोलेश्वरले १६ लाख २० हजार कित्ता शेयर निष्कासन गर्न आवेदन दिएको छ भने एशियन कन्क्रिटो लिमिटेडले १० लाख ६२ हजार ५ सय कित्ता साधारण शेयरका लागि आवेदन दर्ता गराएको छ ।
भगवती स्टिल इन्डस्ट्रिज लिमिटेडले प्रिमियम मूल्यमा १५ लाख कित्ता शेयर निष्कासन गर्न आवेदन दिएको छ । कम्पनीले प्रिमियम सहित २ सय ३३ रुपैयाँमा शेयर निष्काशन गर्न लागेको हो ।
