काठमाडौं, ८ असार । सोमवार शेयर बजार सामान्य अंकले घटेको छ । शेयर बजार १.४६ अंकले घटेर २७००.६५ बिन्दुमा कायम भएको छ ।

शेयर बजारमा ११६ कम्पनीको शेयर मूल्य बढेको छ भने १४३ कम्पनीको शेयर मूल्य घटेको छ भने १४ कम्पनीको स्थिर रहेको छ । यसदिन ४ अर्ब ४२ करोड कारोबार भएको हो ।

सामान्य अंकले घटेको शेयर बजारमा टक्सार पिखुवा खोला हाइड्रोपावर लिमिटेडका लगानीकर्ताले सर्वाधिक कमाएका छन् । उक्त कम्पनीका लगानीकर्ताले १५ प्रतिशतका दरले कमाएका छन् ।

त्यसैगरि याम्बालिङ हाइड्रोपावर लिमिटेडका लगानीकर्ताले १५ प्रतिशतका दरले कमाएका छन् भने सप्तकोशी विकास बैंक लिमिटेडका लगानीकर्ताले ७.३३ प्रतिशतका दरले कमाएका छन् ।

त्यसैगरि सोपान फार्मास्यूटिकल्स लिमिटेडका लगानीकर्ताले ५.६६ प्रतिशतका दरले कमाएका छन् भने एपोलो हाइड्रोपावर लिमिटेडका लगानीकर्ताले ५.२६ प्रतिशतका दरले कमाएका छन् ।