Dhulikhel Eco Banner new

तराई र उपत्यकामा हुस्सु-तुवाँलोको प्रभाव, उच्च हिमाली क्षेत्रमा आंशिक बदली

286
shares

काठमाडौँ — मुलुकभर पश्चिमी वायुसँगै ‘अक्वान’ चक्रवातको आंशिक प्रभाव देखिँदा तराईका जिल्ला, काठमाडौँ उपत्यका तथा पहाडी खोँचका अधिकांश स्थानमा हुस्सु र तुवाँलो लागेको छ। मौसम पूर्वानुमान महाशाखाका अनुसार हाल कोशी प्रदेशसहित गण्डकी, कर्णाली र सुदूरपश्चिम प्रदेशका उच्च हिमाली भूभागमा आंशिक बदली रहेको छ।

बिहीबार दिउँसो कोशी र मधेस प्रदेशका साथै बागमती र गण्डकी प्रदेशका हिमाली भेगमा आंशिक बदली रहने अनुमान छ भने देशका अन्य भूभागको मौसम मुख्यतया सफा रहनेछ। यस्तै, रातिको समयमा कोशी र मधेस प्रदेशमा आंशिक बदली रहे पनि बाँकी क्षेत्रमा आकाश सफा रहने महाशाखाले उल्लेख गरेको छ। तराई, उपत्यका तथा खोँचका केही स्थानमा बिहानीपख बाक्लो हुस्सु र कुहिरो लाग्ने क्रम जारी रहने भएकाले दैनिक जनजीवन तथा यातायातमा सामान्य प्रभाव पर्न सक्ने देखिएको छ।