काठमाडौँ, २९ पुस । ह्वाटसमा नेपाल राष्ट्र बैंकका गभर्नर महाप्रसाद अधिकारीको नाम र फोटो दुरुपयोग गरेको पाइएको छ । उक्त एकाउन्टबाट बैंकका कर्मचारीलाई ८० हजार रुपैयाँ हालिदिन समेत भनिएको छ ।

आफू अहिले एक मिटिङमा रहेकाले अनलाइन कारोबार गर्न सक्ने अवस्थामा नरहेको र आफूले भनेको एक खातामा ८० हजार रुपैयाँ पठाउन म्यासेजमा आग्रह गरिएको छ ।

अधिकारीको नाम र तस्वीर दुरुपयोग गर्दै ह्वाट्स एप खाता संचालन गरिएको भन्दै राष्ट्र बैंकले सरोकारवाल सबैको ध्यानकर्षण गराएको छ ।

गभर्नर अधिकारीको नाम र तस्वीर दुरुपयोग गर्दै खोलिएको ह्वाट्सएप खाताबाट विभिन्न व्यक्तिहरुसँग संवाद गरेकोे भन्दै राष्ट्र बैंकले सबैलाई सचेत रहन आग्रह गरेको छ ।

राष्ट्र बैंकका अनुसार ९८१४४८६४४९ नम्बरको दुरुपयोग गर्दै गभर्नर अधिकारीको नक्कली ह्वाट्स एप खाता बनाइएको छ।