‘बचतकर्ताको सुरक्षा गर्नु हामी सबैको कर्तव्य हो’
वि.सं.२०८० फागुन ५ शनिवार १४:४०
5.92K
shares
shares
काठमाडौं, ५ फागुन । बचतकर्ताको सुरक्षा गर्नु सबैको कर्तव्य भएको अर्थमन्त्री डा प्रकासशरण महतले बताएका छन् । चौथो राष्ट्रिय लघुवित्त सम्मेलमा प्रमुख अतिथिको रुपमा सम्बोधन गर्ने क्रममा महतले यस्तो बताएका हुन् ।
‘बचत कर्ताको सुरक्षा गर्नु हामी सबैको कर्तव्य र जिम्मेवारी हो’, महतले भने, ‘जसले ऋण लिएका छन्, त्यसको सदुपयोग गर्ने हो र ऋण लिएपछि फिर्तागर्ने दायित्व पनि उहाँहरुको छ ।’
लघुवित्तले महिलालाई उद्यमि बनाउन महिला शसक्तिकरणको विषयमा राम्रो काम गरिरहेको महतको भनाई थियो । अहिले राजीनिज्ञ हैसियत पाउने उद्देश्यले केही व्यक्ति लघुवित्तको विरुद्धमा लाग्न खोजेको र त्यस्ता व्यक्तिलाई सबैले मिलेर निरुत्साहित गर्नुपर्ने महतको भनाई थियो ।
लघुवित्तलाई नाफा कमाउने मात्र यन्त्र बनाउने र त्यो अनुरुप नियम विवरित जान खोज्नेलाई सरकारले कारबाही गर्ने र त्यस्ता व्यक्तिलाई सबैले निरुत्साहित गर्नुपर्ने महतको भनाई थियो । लघुवित्तमा देखिएको समस्या समाधान गर्ने सरकार तयार रहेको समेत महतले बताए ।
चौथो लघुवित्त सम्मेलनको शुभकामना दिदै महतले भोलिका दिनमा अझ शशक्त भएर का मगर्ने लघुवित्तलाई आग्रह समेत गरेका थिए ।
Follow Up
