काठमाडौं, १ असार । वाणिज्य बैंकहरुले असार महिनाका लागि व्यक्तिगत मुद्दति निक्षेपमा लाग्ने ब्याजदर सार्वजनिक गरेका छन्। गत जेठ महिनाको तुलनामा यस महिनामा औषत ब्याजदरमा सामान्य गिरावट हो।

नेपाल बैंकर्स संघले संकलन गरेको विवरणअनुसार, जेठ महिनामा व्यक्तिगत मुद्दति निक्षेपको औषत अधिकतम ब्याजदर ५.९५२ प्रतिशत रहेकोमा असार महिनामा ०.०५ प्रतिशतविन्दुले घटेर ५.९०२ प्रतिशतमा झरेको हो।

२० वाणिज्य बैंकहरूमध्ये १५ बैंकले आफ्नो ब्याजदरमा कुनै परिवर्तन नगरेर अघिल्लो महिनाको दरलाई निरन्तरता दिएका छन्। तर बाँकी ५ बैंक – कृषि विकास बैंक, कुमारी बैंक, एनएमबि बैंक, एभरेष्ट बैंक र एनआईसी एशिया बैंकले ब्याजदर घटाएका छन्, जसका कारण औषत ब्याजदरमा सामान्य गिरावट आएको हो।

असार महिनाका लागि व्यक्तिगत मुद्दति निक्षेपमा सबैभन्दा बढी ब्याजदर एभरेष्ट बैंक र एनआईसी एशिया बैंकले तोकेका छन्। यी दुबै बैंकले अधिकतम ६.५५ प्रतिशत ब्याज दिने घोषणा गरेका छन्।

विपरीत, सबैभन्दा कम ब्याजदर भने कृषि विकास बैंक र नेपाल बैंकले तोकेका छन्। यी दुई बैंकले व्यक्तिगत मुद्दति निक्षेपमा अधिकतम ५।४५ प्रतिशत ब्याज दिने भएका छन्।

हेर्नुस कुन बैंकको कति ब्याजदर :