काठमाडौं, १६ भदौ । मंगलबार शेयर बजार सामान्य अंकले बढेको छ। शेयर बजार ९.२४ अंकले बढेर २५२२.६६ विन्दुमा कायम भएको छ ।

शेयर बजारमा १८१ कम्पनीको सेयर मूल्य बढेको छ भने ८४ वटाको घटेको छ। यस्तै, १२ कम्पनी स्थिर छन्। यसदिन २ अर्ब ९० करोड रूपैयाँको कारोबार भएको छ।

सामान्य अंकले बढेको शेयर बजारमा माथिल्लो मैलुङ खोला जलविद्युतका लगानीकर्ताले सर्वाधिक कमाएका छन् । उक्त कम्पनीका लगानीकर्ताले ७.१५ प्रतिशतका दरले कमाएका छन् ।

त्यसैगरि एमबिएल इक्विटी फण्डकोका लगानीकर्ताले ५.८८ प्रतिशतका दरले कमाएका छन् भने इमर्जिङ नेपाल लिमिटेडका लगानीकर्ताले ४.८५ प्रतिशतका दरले कमाएका छन् ।

त्यसैगरि सान्जेन जलविद्युत कम्पनीका लगानीकर्ताले ३.८१ प्रतिशतका दरले कमाएका छन् भने मेन्छियाम हाइड्रोपावरका लगानीकर्ताले ३.६९ प्रतिशतका दरले कमाएका छन् ।