Dhulikhel Eco Banner new

सानिमा जीआईसी इन्स्योरेन्सको घाटा बढेर २९ करोड पुग्यो, बीमाशुल्क आर्जन २९ प्रतिशत वृद्धि

1.76K
shares

काठमाडौं, ३० कात्तिक। सानिमा जीआईसी इन्स्योरेन्स लिमिटेडले चालु आर्थिक वर्ष २०८३/८४ को पहिलो त्रैमाससम्म २९ करोड ३७ लाख रुपैयाँ खुद घाटा व्यहोरेको छ।

कम्पनीले सार्वजनिक गरेको अपरिष्कृत वित्तीय विवरणअनुसार गत आर्थिक वर्ष २०८२/८३ को सोही अवधिमा कम्पनीले २० करोड २ लाख रुपैयाँ खुद घाटा व्यहोरेको थियो। यसअनुसार समीक्षा अवधिमा कम्पनीको खुद घाटा ४६.७३ प्रतिशतले बढेको छ।

कम्पनीको चुक्तापुँजी २ अर्ब २५ करोड ७५ लाख रुपैयाँ रहेको छ। समीक्षा अवधिसम्म कम्पनीको स्पेसल रिजर्भमा ८१ करोड ४५ लाख रुपैयाँ, महाविपत्ति कोषमा ५ करोड २४ लाख रुपैयाँ र अन्य इक्विटीमा ११ करोड ६८ लाख रुपैयाँ रहेको छ। त्यस्तै, कम्पनीको रिटेन्ड अर्निङ १९ करोड ७८ लाख रुपैयाँले ऋणात्मक रहेको छ।

अघिल्लो आर्थिक वर्षको असार मसान्तसम्म कम्पनीको स्पेसल रिजर्भमा ८१ करोड ४५ लाख रुपैयाँ, महाविपत्ति कोषमा ५ करोड २४ लाख रुपैयाँ र अन्य इक्विटीमा १० करोड २७ लाख रुपैयाँ रहेको थियो। सो अवधिमा कम्पनीको रिटेन्ड अर्निङ ९ करोड ८८ लाख रुपैयाँ सकारात्मक रहेको थियो।

समीक्षा अवधिसम्म कम्पनीको बीमा कोषमा ८ अर्ब ८२ करोड १४ लाख रुपैयाँ सञ्चित रहेको छ। अघिल्लो आर्थिक वर्षको सोही अवधिमा कम्पनीको बीमा कोषमा ४ अर्ब ३६ करोड १९ लाख रुपैयाँ रहेको थियो। यसअनुसार कम्पनीको बीमा कोष १०२.२४ प्रतिशतले बढेको छ।

त्यस्तै, कम्पनीको कुल बीमाशुल्क आर्जनमा वृद्धि भएको छ। चालु आर्थिक वर्षको पहिलो त्रैमाससम्म कम्पनीले ५७ करोड ५० लाख रुपैयाँ कुल बीमाशुल्क संकलन गरेको छ। अघिल्लो आर्थिक वर्षको सोही अवधिमा कम्पनीले ४४ करोड ६२ लाख रुपैयाँ कुल बीमाशुल्क आर्जन गरेको थियो। यससँगै कुल बीमाशुल्क आर्जन २८.८८ प्रतिशतले बढेको छ।

कम्पनीको खुद बीमाशुल्क आर्जन पनि बढेको छ। समीक्षा अवधिमा कम्पनीले १३ करोड १२ लाख रुपैयाँ खुद बीमाशुल्क संकलन गरेको छ। अघिल्लो आर्थिक वर्षको सोही अवधिमा यस्तो रकम ११ करोड १९ लाख रुपैयाँ रहेको थियो। यसअनुसार खुद बीमाशुल्क आर्जन १७.२४ प्रतिशतले बढेको छ।

कम्पनीको वार्षिकीकृत प्रतिशेयर आम्दानी (ईपीएस) ५२ रुपैयाँ ०५ पैसा ऋणात्मक रहेको छ। अघिल्लो आर्थिक वर्षको सोही अवधिमा कम्पनीको ईपीएस ४० रुपैयाँ ०४ पैसा ऋणात्मक थियो।

समीक्षा अवधिसम्म कम्पनीको प्रतिशेयर नेटवर्थ १३४ रुपैयाँ ८२ पैसा रहेको छ।

यसरी चालु आर्थिक वर्षको पहिलो त्रैमासमा सानिमा जीआईसी इन्स्योरेन्सको कुल तथा खुद बीमाशुल्क आर्जन र बीमा कोष बढेको भए पनि कम्पनीको खुद घाटा अघिल्लो वर्षको तुलनामा बढेको वित्तीय विवरणले देखाएको छ।