Dhulikhel Eco Banner new

नेपाल राष्ट्र बैंकद्वारा विभिन्न पदमा ६१ कर्मचारी माग, मंसिर १७ सम्म आवेदन दिन सकिने

2.7K
shares
केन्द्रीय बैंकले मुलुकभरका योग्य तथा दक्ष जनशक्तिलाई सेवामा जोडिन अवसर प्रदान गर्दै विभिन्न पदमा ६१ जना नयाँ कर्मचारीका लागि दरखास्त आह्वान गरेको छ। खुला तथा समावेशी प्रतियोगितात्मक परीक्षामार्फत पूर्ति गरिने यी पदहरूका लागि नेपाल राष्ट्र बैंकले सहायक निर्देशक र सहायकस्तरका विभिन्न पदहरूमा आवेदन खोलेको हो।
बैंकद्वारा जारी सूचना अनुसार अधिकृतस्तरका विभिन्न विषयमा गरी कुल ३५ जना र सहायक द्वितीय श्रेणीमा २६ जना गरी जम्मा ६१ जना जनशक्ति सिफारिस गरिनेछ। जसमा सहायक निर्देशक (खुला तथा समावेशी) तर्फ २६, लेखा तथा लेखापरीक्षणमा ३, वाणिज्य कानुनमा २ र सूचना प्रविधि (आइटिएफ) तर्फ ४ पद छुट्याइएको छ भने प्रशासन सेवातर्फ सहायक पदमा २६ जना माग गरिएको छ।
इच्छुक तथा योग्यता पुगेका उम्मेदवारहरूले आगामी मंसिर १७ गतेभित्र नियमित दस्तुर तिरी अनलाइनमार्फत आवेदन दिन सक्नेछन् भने ढिलोमा मंसिर २४ गतेसम्म दोब्बर दस्तुर तिरेर आवेदन पेस गर्न सकिने व्यवस्था मिलाइएको छ। महिला, आदिवासी जनजाति, मधेसी, दलित, अपाङ्गता तथा पिछडिएको क्षेत्रका लागि समावेशी आरक्षण कोटासमेत निर्धारण गरिएको यस विज्ञापनमा लोक सेवा आयोगको एकीकृत परीक्षा प्रणालीको पूर्वयोग्यता परीक्षा उत्तीर्ण गरेका उम्मेदवारहरूले मात्र सहायक पदका लागि प्रतिस्पर्धा गर्न पाउनेछन्।