समता घरेलु लघुवित्तले माग्यो १२ पदमा कर्मचारी, मंसिर १७ गतेसम्म आवेदन दिन सकिने
वि.सं.२०८३ कात्तिक २९ आइतवार १३:५४
shares

काठमाडौं, २९ कात्तिक। समता घरेलु लघुवित्त वित्तीय संस्था लिमिटेडले विभिन्न १२ पदका लागि कर्मचारी माग गरेको छ । संस्थाले सूचना जारी गर्दै व्यवस्थापकीय, अधिकृत तथा सहायक तहका पदमा कर्मचारी माग गरेको हो ।
संस्थाले वरिष्ठ प्रबन्धकका लागि १ जना, प्रबन्धकका लागि १ जना र सहायक प्रबन्धकका लागि १ जना माग गरेको छ । त्यस्तै, वरिष्ठ अधिकृत, अधिकृत, सहायक अधिकृत, कनिष्ठ अधिकृत, सुपरभाइजर, वरिष्ठ सहायक, सहायक, कनिष्ठ सहायक तथा प्रशिक्षार्थी पदमा केही संख्यामा कर्मचारी माग गरेको छ ।
संस्थाको केन्द्रीय कार्यालय, इलाका तथा विभिन्न शाखा कार्यालयका लागि कर्मचारी माग गरिएको हो । इच्छुक तथा योग्यता पुगेका नेपाली नागरिकले संस्थाको आधिकारिक वेबसाइट www.samata.org.np को करियर सेक्सनमार्फत अनलाइन आवेदन दिन सक्नेछन् ।
आवेदन दिने अन्तिम मिति २०८३ मंसिर १७ गते तोकिएको छ ।















