काठमाडौं, ३२ साउन । वाणिज्य बैंकहरुले भदौ महिनाका लागि पनि ब्याजदर घटाएका छन् । नयाँ महिनाका लागि अघिल्लो महिनाको अन्तिम दिनअघि नै ब्याजदर तोक्नुपर्ने व्यवस्थाअनुसार नयाँ ब्याजदर सार्वजनिक गरेका हुन् । बैंकहरुको औसत अधिकतम ब्याजदर ६.७३ प्रतिशतबाट ०.१८ बिन्दुले घटेर ६.५६ प्रतिशत कायम भएको छ ।

सञ्चालनमा रहेका २० मध्ये सिटिजन्स र प्राइमले मात्र ब्याजदर बढाएका हुन् । ग्लोबल आईएमई, कुमारी, लक्ष्मी सनराइज, माछापुच्छ्रे, नबिल र स्ट्यान्डर्डले ब्याजदर यथावत राख्दा अरु १२ बैंकले ब्याजदर घटाएका हुन् । प्रकाशित सुचनाअनुसार सबैभन्दा कम ब्याज दिने बैंक नेपाल बैंक हो । बैंकले मुद्दती निक्षेपमा सबैभन्दा कम ५.२५ प्रतिशत ब्याज दिने भएको छ ।

निक्षेपमा सबैभन्दा बढी ब्याज एनआईसी एशिया र एनएमबि बैंकले ७.४१ प्रतिशत दिने भएको छ । यी बैंकले साउनको तुलनामा ब्याजदर ०.१२ प्रतिशत बिन्दुले घटाए पनि सर्वाधिक ब्याज दिने बैंकको सूचीमा रहेका छन् । यस्तै हिमालयन, नबिल, माछापुच्छ्रे र स्ट्यान्डर्ड चार्टर्ड बैंकले निक्षेपमा ७ प्रतिशत ब्याज दिने भनेका छन्।

हेर्नुस कुन बैंकको कति ब्याजदर: