शेयर बजारमा १२८ कम्पनीको शेयर मूल्य घट्दा यी ५ कम्पनीले गुमाए सर्वाधिक
वि.सं.२०८२ वैशाख २१ आइतवार १५:२५
3.06K
shares
shares
काठमाडौं, २१ वैशाख । आइतवार शेयर बजार सामान्य अंकले घटेको छ । शेयर बजार ३.४४ अंकले घटेर २,६२० बिन्दुमा कायम भएको छ ।
शेयर बजारमा ११७ कम्पनीको शेयर मूल्य बढेको छ भने १२८ कम्पनीको शेयर मूल्य घटेको छ । यसदिन ९ अर्ब २४ करोडको कारोबार भएको हो ।
सामान्य अंकले घटेको शेयर बजारमा विन नेपाल लघुवित्तका लगानीकर्ताले सर्वाधिक गुमाएका छन् । उक्त कम्पनीको शेयर मुल्य १० प्रतिशतका दरले गुमाएका छन् ।
यसदिन रिभर फल्स पावरका लगानीकर्ताले ७.५५ प्रतिशतका दरले गुमाएका छन् भने भुगोेल इनर्जीका लगानीकर्ताले ६.१५ प्रतिशतका दरले गुमाएका छन् ।
त्यसैगरी सप्तकोशी विकास बैंकका लगानीकर्ताले ५.९६ प्रतिशतका दरले गुमाएका छन् भने बाराही हाइड्रोपावरका ५.८९ प्रतिशतका दरले गुमाएका छन् ।
