सिटिजन्स क्यापिटलको संस्थापक शेयर बिक्रीमा
वि.सं.२०८२ वैशाख २४ बुधवार १०:३७
2.85K
shares
shares
काठमाडौं, २४ वैशाख । सिटिजन्स क्यापिटल लिमिटेडले संस्थापक शेयर बिक्रीमा राखेको छ । कम्पनीले शेयरधनी प्रसिद्ध बहादुर पाण्डेको नाममा रहेको ५ हजार कित्ता संस्थापक शेयर बिक्रीमा राखेको हो।
कम्पनीले उक्त शेयर कम्पनीकै विद्यमान संस्थापक शेयरधनीहरूले मात्रै खरीद गर्न पाउने गरी बिक्रीमा राखेको हो। शेयरको बिक्री मूल्य प्रतिकित्ता न्यूनतम १८० रुपैयाँ तोकिएको छ।
सो शेयर खरीद गर्न इच्छुक संस्थापक शेयरधनीले अबको ३५ दिनभित्र आफूले लिन चाहेको शेयर कित्ता र सोको रकम समेत खुलाएर निवेदन दिनु पर्नेछ।
