गुडविल फाइनान्सको संस्थापक शेयर बिक्रीमा
वि.सं.२०८२ असार १७ मंगलवार ०९:३८
2.64K
shares
shares
काठमाडौं, १७ असार । गुडविल फाइनान्स लिमिटेडले संस्थापक शेयर बिक्रीमा राखेको छ। फाइनान्सले एक लाख कित्ता संस्थापक शेयर बिक्रीमा राखेको हो। कम्पनीले उक्त शेयर हाल कम्पनीकै विद्यमान संस्थापक शेयरधनीले मात्रै किन्न पाउने गरी बिक्रीमा राखेको हो।
इच्छुक संस्थापक शेयरधनीले अबको ३५ दिनभित्र आफूले खरीद गर्न चाहेको शेयर संख्या र सोको मूल्य समेत खुलाएर काठमाडौंको हात्तीसारस्थित कम्पनीको प्रधान कार्यालयमा निवेदन दिनु पर्नेछ।
तोकिएको समयावधिभित्र संस्थापक शेयरधनीबाट पूर्ण आवेदन नपरेमा बाँकी रहेको शेयर सर्वसाधारणलाई बिक्री गर्न प्रक्रिया अघि बढाइने जानकारी दिएको छ।
