काठमाडौं, ३० असोज । बिहीवार शेयर बजार दोहोरो अंकले घटेको छ । शेयर बजार १८.४० अंकले घटेर २,४८७ बिन्दुमा कायम भएको छ ।

शेयर बजारमा ४५ कम्पनीको शेयर मूल्य बढेको छ भने १९७ कम्पनीको शेयर मूल्य घटेको छ भने ९ कम्पनीको शेयर मुल्य स्थिर रहेको छ । यसदिन ३ अर्ब २७ करोडको कारोबार भएको हो ।

दोहोरो अंकले घटेको शेयर बजारमा समाज लघुवित्तका लगानीकर्ताले सर्वाधिक गुमाएका छन् । उक्त कम्पनीको लगानीकर्ताले १० प्रतिशतका दरले गुमाएका हुन् ।

यसदिन युनिक नेपाल लघुवित्तका लगानीकर्ताले ७.३३ प्रतिशतका दरले गुमाएका छन् भने समता घरेलु लघुवित्तका लगानीकर्ताले ६।२५ प्रतिशतका दरले गुमाएका छन् ।

त्यसैगरि अपर स्याङ्गे हाइड्रोपावरका लगानीकर्ताले ४.८७ प्रतिशतका दरले गुमाएका छन् भने नेपाल रिइन्स्योरेन्सका लगानीकर्ताले ४.२१ प्रतिशतका दरले गुमाएका छन् ।