काठमाडौं,२५ जेठ। संघीय संसद्मा देखिएको गतिरोध अन्त्यका लागि सत्तारुढ दल राष्ट्रिय स्वतन्त्र पार्टीका सभापति रवि लामिछानेले बोलाएको बैठकमा चार दलका सभापति तथा अध्यक्ष सहभागी भएका छन् ।

सोमबारको बैठकमा प्रतिनिधिसभामा प्रतिनिधित्व गर्ने ६ दलमध्ये ४ दलका शीर्ष नेतृत्वकर्ता सहभागी भएनन् ।

बैठकमा नेपाली कांग्रेसका सभापति गगन थापा, नेकपा एमालेका अध्यक्ष केपी शर्मा ओली, नेपाल कम्युनिस्ट पार्टीका संयोजक पुष्पकमल दाहाल तथा श्रम संस्कृति पार्टीका अध्यक्ष हर्कराज राई सहभागी भएनन् ।

यद्यपि, राष्ट्रिय प्रजातन्त्र पार्टीका अध्यक्ष राजेन्द्र लिङ्देन बैठकमा सहभागी भएका छन् ।

बैठकमा प्रमुख प्रतिपक्षी दल कांग्रेसका संसदीय दलका नेता भीष्मराज आङ्देम्बे, एमालेका प्रमुख सचेतक ऐनबहादुर महर, नेपाल कम्युनिस्ट पार्टीका सहसंयोजक माधवकुमार नेपाल तथा नेता वर्षमान पुन लगायत सहभागी छन् ।